O‘zbekiston TIVda Niderlandiya Tashqi ishlar vazirligi delegatsiyasi bilan uchrashuv bo‘lib o‘tdi

2016-yilning 4-aprel kuni O‘zbekiston Respublikasi Tashqi ishlar vazirligida Niderlandiya Qirolligi Tashqi ishlar vazirligining maxsus topshiriqlar bo‘yicha elchisi Yan-Pol Dirkse boshchiligidagi delegatsiya bilan uchrashuv bo‘lib o‘tdi. Bu haqda O‘zbekiston Respublikasi Tashqi ishlar vazirligi matbuot xizmati xabar beradi .

Foto: O‘zbekiston TIV matbuot xizmati

Uchrashuvda turli sohalardagi ikki tomonlama munosabatlarning bugungi holati ko‘rib chiqildi.
Shuningdek, 2015-yil dekabr oyida bo‘lib o‘tgan vazirliklararo siyosiy maslahatlashuvlarning birinchi raundi o‘zaro manfaatli bo‘lgan hamkorlikning eng istiqbolli yo‘nalishlariga e’tibor qaratishga va O‘zbekiston—Niderlandiya kun tartibini kengaytirishga imkon berganligi qayd etildi.
Suhbat davomida turli darajalardagi, jumladan qishloq xo‘jaligi va boshqa sohalardagi bo‘lajak uchrashuvlarga tayyorgarlikning amaliy jihatlari muhokama qilindi.
Muloqot chog‘ida BMT doirasidagi O‘zbekiston—Niderlandiya o‘zaro hamkorlik hamda tashkilotning Xavfsizlik kengashining doimiy bo‘lmagan a’zosi sifatida 2017—2018-yillarga Niderlandiya nomzodi ilgari surilganlik masalalariga alohida e’tibor qaratildi.
Batafsil | Подробно | Read more... Daryo