O‘zbekiston TIVda Janubiy Koreya Tashqi ishlar vazirligi delegatsiyasi bilan uchrashuv bo‘lib o‘tdi

O‘zbekiston Tashqi ishlar vazirligida 4-aprel kuni Janubiy Koreya Tashqi ishlar vazirligi Yevropa ishlari bo‘yicha Byurosi bosh direktori Pak Chol Min boshchiligidagi delegatsiya bilan uchrashuv bo‘lib o‘tdi. Bu haqda O‘zbekiston Tashqi ishlar vazirligi matbuot xizmati xabar beradi .

Foto: UzReport

Uchrashuvda 2014-yil prezident Pak Kin Xening O‘zbekistonga va 2015-yil Prezident Islom Karimovning Janubiy Koreyaga davlat tashriflari davomida erishilgan ikki tomonlama kelishuvlarni amalga oshirish nuqtai nazaridan hamkorlikning holati va kengaytirish istiqbollari muhokama qilindi.
Suhbat davomida tomonlar bo‘lajak ikki tomonlama yuqori va boshqa darajali uchrashuvlar, hamkorlikning qo‘shma institutlari majlislarini o‘tkazish jadvali yuzasidan fikr almashdi.
Shuningdek, muloqot chog‘ida “Koreya Respublikasi—Markaziy Osiyo” hamkorlik Forumi faoliyati masalalari ko‘rib chiqildi.
Batafsil | Подробно | Read more... Daryo