“Real” rahbariyati Serxio Ramosdan sardorlik bog‘ichini olib qo‘yish haqida o‘ylayapti

Madridning “Real” jamoasi rahbariyati va murabbiylar shtabi himoyachi Serxio Ramosning tez-tez maydondan chetlatilishidan xavotirda, deb xabar beradi “Chempionat”.

Foto: Getty Images

Serxio Ramos so‘nggi marotaba Ispaniya chempionati 31-turida, “Barselona”ga qarshi o‘yinning 83-daqiqasida maydondan chetlatilgan edi. Shunga qaramay, “Real” 2:1 hisobida zafar quchishga muvaffaq bo‘lgandi .
“Real” rahbariyati Ramosning intizomsiz xatti-harakatlarini, ayniqsa, mavsumning ushbu bosqichida noo‘rin deb hisoblamoqda.
“Sport-Ekspress” nashrining ma’lum qilishicha , jamoa rahbariyati keyingi mavsumda Ramosdan sardorlik bog‘ichini olib qo‘yish haqida o‘ylayapti.
Serxio Ramos 2005-yilda “Sevilya” klubidan “Real”ga o‘tgandi va o‘sha vaqtdan buyon u 21 marta qizil kartochka olgan.
Batafsil | Подробно | Read more... Daryo