O‘zbekiston milliy terma jamoasi bosh murabbiyi Samvel Babayan JCh saralashida Filippinga qarshi kechgan uchrashuvdan (5:1) so‘ng o‘tkazilgan matbuot anjumanida o‘yin haqidagi fikrlarini bildirib o‘tdi, deb xabar beradi “Uff.uz”.
Foto: Twitter / @UzbekistanFF
- Hammaga xayrli oqshom. Bugungi o‘yin barchaga yoqdi, deb o‘ylayman. Uchrashuv keskin ruhda o‘tdi va biz o‘yindan oldin o‘ylab qo‘ygan rejani yuz foiz amalga oshirdik. Natija esa adolatli, deb o‘ylayman. U o‘yining borishini aks ettirdi.
- Shunday hisob bo‘lishini oldindan taxmin qilganmidingiz? Chunki hisob juda yirik ko‘rinish oldi.
– Bugun biz jiddiy raqibga qarshi maydonga tushishga tayyorlangan edik. Garchi hisob yirik bo‘lsa-da, Filippin terma jamoasi yaxshi jamoa ekanini yana bir bor aytishim lozim. Jamoa ancha yaxshi tashkil etilgan va unda murabbiyning qo‘li borligi ko‘rinib turibdi. Filippin terma jamoasida yaxshi futbolchilar bor. Biz o‘yinga har qancha yaxshi tayyorlangan bo‘lmaylik, natijani fantastika deb aytish mumkin.
- Futbolchilaringiz siz tayinlagan barcha ko‘rsatmalarni amalga oshirdimi yoki o‘yin davomida ular qandaydir yangiliklar joriy qildimi?
– Yana bir bor aytishim lozim, futbolchilar o‘yinga tayyorlab qo‘ygan rejalarni yuz foiz amalga oshirdi. Biz raqibni jiddiy o‘rgangan edik va Filippinning kuchli hamda kuchsiz tomonlaridan boxabar edik. Men bejizga o‘yin oldidan o‘tkazilgan matbuot anjumanida Filippin tarkibida kuchli futbolchilar borligini aytmagan edim. Shu jumladan raqibning sardori ham kuchli edi va biz bugun uni zararsizlantirishga muvaffaq bo‘ldik. Bu ham futbolchilar oldiga qo‘yilgan vazifalardan biri edi. Xudoga shukr, biz bugun o‘z ishimizni yaxshi bajardik.
- Sizning jamoangiz KXDRga qarshi maydonga tushgan edi va bu jamoani siz yaxshi bilasiz. KXDRga qarshi kechadigan bahsda Filippin terma jamoasining imkoniyatlarini qanday baholagan bo‘lar edingiz?
– Men O‘zbekiston va KXDR o‘rtasida kechgan uchrashuvni muxlis sifatida tomosha qilgan edim. Ammo terma jamoani qabul qilib olganimdan so‘ng KXDRni ham o‘rganib chiqdim, albatta. Shunday ekan, Filippin va KXDR o‘rtasida kechadigan o‘yinni ancha qiziqarli kechishini aytishim mumkin. Chunki har ikki jamoa tarkibida ham kuchli futbolchilar bor. G‘alaba esa omadi kelgan jamoaga nasib etadi, deb o‘ylayman.
- Nima deb o‘ylaysiz, bu g‘alabaning kaliti tezkor gol bo‘ldimi yoki tezkor gol urilmaganda ham O‘zbekiston shunday yirik hisobda g‘alaba qozona olarmidi?
– Menimcha, bizning ustunligimiz o‘yin davomida ham ko‘rinib turdi. Birinchi gol esa albatta ruhiy tomonlama bizga yordam berdi. Ammo biz o‘yinning borishini nazorat qildik va baribir gol ura olar edik. Darvoqe, uchinchi goldan so‘ng jamoa to‘xtab qoldi va tanaffus vaqtida jamoa bilan yaxshilab gaplashib olganimizdan keyin, futbolchilar yana o‘yinga qaytdi. Garchi futbolchilar anchadan buyon birga o‘ynab kelayotgan bo‘lsa-da, men murabbiy sifatida endi ikkinchi o‘yinimni o‘tkazdim. Shunga ishonamanki, bu jamoa kuchayishda davom etadi. Bugun O‘zbekistonning yangi terma jamoasi tug‘ildi. Bu jamoa kurasha oladi va g‘alabaga intilib, unga yeta oladi. Biz futbolchilar bilan yangi uslubni tatbiq etmoqdamiz va bu uslub Osiyoda taniqli bo‘ladi. O‘ylaymanki, keyingi uchrashuvlarda O‘zbekiston yana-da kuchliroq o‘ynaydi.
Batafsil | Подробно | Read more... Daryo
Top News
-
Ислом Махачев 2024 йилда иккинчи камар учун жанг қилиши мумкин
Енгил вазн тоифасида UFC чемпиони Ислом Махачев жорий йилда иккинчи камарни ҳам қўлга киритиши мумкин.
-
Qozog‘istonda ichida O‘zbekiston fuqarolari bo‘lgan avtomobil yonib ketdi.
Ikki kishi shifoxonaga yotqizilgan..
-
O‘zbekistonda 10 iyun kuni qanday ob-havo kutilayotgani ma’lum qilindi.
Janubiy hududlarda havo harorati 41 darajagacha ko‘tariladi..
-
Ўзбекистон U19 Хитой билан дуранг ўйнади (видео)
Хитойдаги халқаро турнирда иштирок этаётган Ўзбекистон ёшлар (U19) терма жамоаси кеча мусобақанинг 2-тури доирасида Хитойга қарши ўйинда майдонга...
-
Koinotdan Yerning eng mashhur fotosuratlaridan birini olgan astronavt halok bo‘ldi.
Uilyam Andersning samolyoti Vashington shtatidagi San-Xuan orollari yaqinida suvga quladi..
-
Samarqandda talabani yakuniy test imtihonlaridan o‘tkazishni va’da qilib 2 ming dollar olgan yigit ushlandi.
Surishtiruv jarayonlarida U.T. fuqarodan olgan 2 000 dollarning 700 dollarini o‘zida olib qolib, qolgan 1 300 dollarini jinoiy sherigi Bobur ismli...