Obama va Stoltenberg IShIDga qarshi kurash hamda Liviyada operatsiyalar o‘tkazish ehtimolini muhokama qildi

4-aprel, dushanba kuni AQSh prezidenti Barak Obama va NATO bosh kotibi Yens Stoltenberg o‘zaro uchrashuv chog‘ida IShIDga qarshi kurash, xususan, Yaqin Sharq mintaqasida ittifoqdoshlarga ko‘mak berish masalalarini muhokama qildi. Bu haqda “TASS” xabar bermoqda .

Foto: AP

“Biz hukumat o‘z ishini boshlayotgan Liviyaga o‘xshash joylarda operatsiyalar o‘tkazish borasida doimiy asosda hamkorlik qilishda davom etmoqdamiz. Shuningdek, Suriyadagi mojaroga nuqta qo‘yish ustida ham ishlayapmiz”, — deya ta’kidlagan Obama.
AQSh prezidenti Yevropadagi muhojirlar bilan bog‘liq inqirozga ham e’tibor qaratdi va mazkur vaziyatga “insonparvarlik nuqtai nazaridan va chuqur o‘ylagan holda” yondashish zarurligini bildirdi. Obama, shuningdek, NATO Yevroittifoq bilan birgalikda muhojirlar xavfli yo‘nalishlardan foydalanishining oldini olishga harakat qilayotganini ta’kidladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo