O‘zMTRK “Sport” telekanalining ko‘rsatuvlar jadvali o‘zgardi: “Zob Ohan” — “Bunyodkor” uchrashuvi yozib olingan holda namoyish etiladi

O‘zMTRKning “Sport” telekanali futbol bo‘yicha Osiyo Chempionlar Ligasi guruh bosqichi 4-turi doirasidagi “Zob Ohan” (Eron) — “Bunyodkor” (O‘zbekiston) uchrashuvini yozib olingan holda namoyish etadi. Bu haqda telekanal xabar berdi.

Foto: Getty Images

Eslatib o‘tamiz, uchrashuv 5-aprel, seshanba kuni Toshkent vaqti bilan 20:30 da boshlanadi. “Sport” telekanalining ko‘rsatuvlar jadvalida mazkur o‘yin translyatsiyasi 20:30 da boshlanishi avvaldan ko‘rsatilgan edi .
Biroq shu kuni OChL doirasida boshqa bir: “Nasaf” (O‘zbekiston) — “Al-Jaish” (Qatar) uchrashuvi 18:45 da boshlanib, taxminan 20:30—20:35 da yakuniga yetardi, shu sababli “Bunyodkor” ishtirokidagi o‘yinning dastlabki daqiqalari namoyish etilmasligi ehtimoli mavjud edi.
“Sport” telekanali e’loniga ko‘ra, “Zob Ohan” — “Bunyodkor” uchrashuvi namoyishi Toshkent vaqti bilan 22:30 da boshlanadi. Ma’lumot uchun, “Daryo” mazkur uchrashuvdan matnli onlayn uyushtirishni rejalashtirgan.


OChL. “Zob Ohan” — “Bunyodkor” uchrashuvi boshlang‘ich tarkibi ma’lum bo‘ldi


“Zob Ohan” — “Nasaf”. Matnli onlayn



Batafsil | Подробно | Read more... Daryo