Hindistonda 25 yil avval sikxlarni o‘ldirgan 47 nafar politsiyachi umrbod qamoq jazosiga hukm qilindi

Hindiston sudi 1991-yilda bir guruh sikx ziyoratchilarini o‘ldirgan 47 nafar politsiyachini umrbod qamoq jazosiga hukm qildi. Bu haqda India Today gazetasi ma’lumotiga tayanib, “Interfaks” xabar beradi .

Foto: Getty Images

Dastlab ushbu ish bo‘yicha 57 kishi aybdor deb topilgan, biroq ulardan o‘n nafari 25 yillik sud jarayoni davomida vafot etgan. 1-aprel, juma kuni sudda 20 nafar aybdor qatnashgan, qolgan ayblanuvchilar qidirilmoqda.
Prokuraturaning aniqlashicha, politsiya xodimlari xizmat lavozimida ko‘tarilish uchun o‘sha paytlarda sikx jangarilarining hujumlaridan aziyat chekkan Uttar-Pradesh shtatida ziyoratchilarni otib tashlagan.
Gazetada yozilishicha, politsiyachilar ziyoratchilar va ularning oilasini olib ketayotgan avtobusni to‘xtatib, undan 11 kishini tushirib olgan. Ularni o‘rmonga olib borib, otib tashlagan.
Batafsil | Подробно | Read more... Daryo