“Formula-1” bo‘yicha ikki karra chempionning mol-mulki qarzlari tufayli xatlandi

Braziliyada “Formula-1” poygasi ikki karra chempioni Emerson Fittipaldining mol-mulki banrkotlik ishi bo‘yicha qarzlari tufayli xatlab qo‘yildi. Bu haqda Grande Premio nashri ma’lumotlariga tayanib, Motor  xabar beradi .

Foto: Motor

Poygachiga tegishli o‘nta kompaniya jami 27 million real (7,5 million dollar) qarz bo‘lgan.
Fittipaldi hozirda o‘zining sobiq kompaniyalaridan faqat bittasining egasi ekanligi ma’lum qilinmoqda. Shunga qaramasdan, uning sotilishi qarzlarni qoplash imkonini bermaydi, shuning uchun ijrochilar uning boshqa mulklari, jumladan, ofis mebeli, sovrinlari va poyga avtomobillarini ham xatladi.
69 yoshli Fittipaldining qarzlari 1970-yillarning o‘rtalaridan yuzaga kelgan. O‘shanda u shaxsiy “Formula-1” jamoasini tashkil qilgan edi. Shuningdek, poygachining moliyaviy ahvoliga uning “San-Paulu 6 soat” chidamlilik bo‘yicha jahon chempionati bosqichini tashkil etishdagi ishtiroki ham salbiy ta’sir ko‘rsatgan.
Fittipaldi 1970-yildan 1980-yilgacha “Formula-1” poygalarida ishtirok etgan hamda 1972 va 1974-yillarda jahon chempioni bo‘lgan.
Batafsil | Подробно | Read more... Daryo