Denis Istomin Marrakeshdagi tennis turnirining juftliklar bahsida yarim finalga chiqdi

O‘zbekistonlik tennischi Denis Istomin Marokashning Marrakesh shahrida davom etayotgan, sovrin jamg‘armasi 520 070 yevroni tashkil etuvchi Grand Prix Hassan II tennis turnirining juftliklar bahsida yarim finalga chiqdi.

Foto: Getty Images

Musobaqa rasmiy saytining ma’lum qilishicha , hindistonlik Rohan Bopanna bilan tandem hosil qilgan Istomin chorak final uchrashuvida ispaniyalik Pablo Karreno-Busta va Inigo Servantes juftligiga qarshi korta chiqdi va 6:3, 7:6 hisobida g‘alaba qozondi.
Eslatib o‘tamiz, Istomin/Bopanna juftligi ilk davrada fransiyalik Fabris Martin va avstriyalik Oliver Marak duetini 6:4, 6:2 hisobida mag‘lub etgandi . Juftliklar bahsi yarim finalida Istomin va Bopanna tandemi xorvatiyalik Marin Draganja hamda pokistonlik Aysam Qurayshi duetiga qarshi kortga chiqadi.
Yakkalik bahslarida ham ishtirok etayotgan 29 yoshli Denis Istomin dastlabki davrada italiyalik Lorenso Jyustinoni 7:6, 6:4 hisobida mag‘lubiyatga uchratgan edi . Ikkinchi davrada o‘zbekistonlik tennischi ispaniyalik Pablo Karreno-Bustaga qarshi bahs olib boradi.
Batafsil | Подробно | Read more... Daryo