Chevrolet Corvette universalga aylanadi

Chevrolet avtomobillarini mukammalashtirishga ixtisoslashgan AQShning Callaway tyuning kompaniyasi Corvette superkari asosidagi shooting brake kuzoviga ega universalni seriyali chiqarishga hozirlik ko‘rmoqda. Bu haqda Motor  xabar bermoqda .

Foto: Motor

Kompaniya ilk bor bunday avtomobilga qo‘l urish rejalari haqida 2013-yilda ma’lum qilgandi, biroq yangi ko‘rinishdagi birinchi mashinalar 2016-yil oxiridagina buyurtmachiga yetib boradi.
Universal Corvette loyihasi AeroWagon degan nom oldi. Kompaniya oddiy kupeni ham, Z06 modifikatsiyasini ham o‘zgartirishga tayyor. Yangi panel kuzovning oldingi qismidagi tomning olinadigan qismiga tegmagan holda to‘lig‘icha ugleplastikdan tayyorlanadi. Agar universal avtomobil egasining joniga tegsa, hech qanday qiyinchiliksiz mashinani yana kupega aylantirishi mumkin, chunki yangi detal yukxona qismi ushlagichiga o‘rnatiladi.
Superkarni o‘zgartirish narxi 15 ming dollarga boradi. Yana 1,5 ming dollar detalni kuzov rangiga moslashtirishga ketadi. Yangi panelni o‘rnatish ishlari bir necha soat vaqt oladi.
Batafsil | Подробно | Read more... Daryo