Yaponiyada reaktiv samolyot bo‘laklari va 6 nafar ekipaj a’zosining jasadi topildi

Yaponiya havo kuchlarining 6-aprel, chorshanba kuni yo‘qolgan Hawker Beechcraft U-125 reaktiv samolyoti bortida bo‘lgan 6 nafar ekipaj a’zosining jasadi Kagosima prefekturasidan topildi. Bu haqda mamlakat mudofaa vazirligi vakillari ma’lum qildi, deya xabar beradi “TASS”.

Foto: AviaDejaVu

Qutqaruvchilar jasadlarni samolyot bilan aloqa uzilgan Takakuma tog‘i cho‘qqisidan topgan. Ularning yonida halokatga uchragan havo kemasi fyuzelyaji bo‘lagi topilgan. Ayni paytda samolyotning boshqa qismlari qidirilmoqda.
Ikki motorli U-125 6-aprel, chorshanba kuni ertalab Saytama prefekturasidagi Iruma bazasidan parvoz qilgan va tushki payt Kanoya bazasiga (Kagosima prefekturasi) qo‘ngan. Shundan so‘ng samolyot Takakuma tog‘li hududini qisqa muddatli patrul nazoratidan o‘tkazish uchun bazani tark etgan, kechki payt esa Saytamaga qaytishi lozim bo‘lgandi.
Batafsil | Подробно | Read more... Daryo