O‘zbekiston milliy terma jamoasi Argentina yetakchilik qilayotgan FIFA reytingida 8 pog‘ona yuqoriladi

Xalqaro futbol uyushmasi FIFA bugun, 7-aprel kuni terma jamoalarning yangi reytingini  e’lon qildi .

Foto: Getty Images

Mart oyi reytingida 74-o‘rindan joy olgan O‘zbekiston milliy terma jamoasi aprel oyida sakkiz pog‘ona yuqorilab, 549 ochko bilan 66-o‘rindan joy olgan. Bu Osiyo mamlakatlari orasida Eron (672), Avstraliya (601), Janubiy Koreya (579), Yaponiya (577) va Saudiya Arabistoni (559)dan keyin oltinchi ko‘rsatkich hisoblanadi.
Umumiy planda Argentina terma jamoasi FIFA reytingida 1532 ochko bilan 1-o‘ringa ko‘tarilib oldi. Avvalgi peshqadam Belgiya terma jamoasi (1352) esa endi 2-o‘rindan joy olgan. Kuchli o‘ntalikdan Chili (1348), Kolumbiya (1337), Germaniya (1309), Ispaniya (1277), Braziliya (1251), Portugaliya (1184), Urugvay (1158) va Angliya (1069) terma jamoalari joy olgan.
Batafsil | Подробно | Read more... Daryo