Jo‘rabek Karimov va Humoyun Sultonov Qarshidagi tennis turnirining yarim finaliga chiqdi

O‘zbekistonlik tennischilar Jo‘rabek Karimov va Humoyun Sultonov Qarshi shahrida davom etayotgan Karshi ITF Pro Circuit turnirining yarim finaliga yo‘l oldi, deb xabar beradi “Sports.uz”.

Jo‘rabek Karimov. Foto: Getty Images

Sovrin jamg‘armasi 25 ming dollarga teng musobaqaning chorak finalida Jo‘rabek Karimov belaruslik Yaraslav Shilaga qarshi kortga chiqdi. Bir soatu 7 daqiqa davom etgan belashuvda 6:3, 6:1 hisobi qayd etilib, o‘zbekistonlik tennischining foydasiga hal bo‘ldi.

Humoyun Sultonov. Foto: “Sports.uz”

Humoyun Sultonov ushbu bosqichda rossiyalik Denis Matsukevichga qarshi bahs olib bordi. Ikki soat davom etgan mazkur bahsda o‘zbekistonlik tennischi 4:6, 7:6, 6:4 hisobidagi irodali g‘alabani qo‘lga kiritdi.
Chorak finalga chiqqan yana bir o‘zbekistonlik tennischi Sanjar Fayziyevga omad kulib boqmadi. Chexiya vakili Mixal Konechniga qarshi o‘yinda Fayziyev 2:6, 5:7 hisobida mag‘lubiyatga uchradi.
Eslatib o‘tamiz, musobaqaning ikkinchi davrasida Jo‘rabek Karimov belgiyalik Sander Jilleni 4:6, 6:4, 6:4, Humoyun Sultonov slovakiyalik Filipp Xoranskini 7:6, 7:5, Sanjar Fayziyev esa hindistonlik Sumit Nagalni 6:1, 6:4 hisobida mag‘lubiyatga uchratgan edi .
Batafsil | Подробно | Read more... Daryo