Video: Toshkentda “Volga” haydovchisi qoidabuzar sakkiz mashinaga yo‘l bermadi

Facebook’dagi “Voditeli Tashkenta (Drivers.uz)” guruhi a’zosi tirbandlik vaqtida qoidaga xilof ravishda yo‘lning qarama-qarshi qatnov qismiga chiqib ketgan avtomobillar aks etgan videoyozuvni e’lon qildi .

Avtomobil videoregistratori yordamida olingan holat shaharning Yunusobod tumanidagi Moyqo‘rg‘on ko‘chasida 30-mart kuni tongda yuz bergan. Foydalanuvchilar shu kabi vaziyat bu yerda har kuni kuzatilishini yozib, qoidabuzar haydovchilarni keskin tanqid qilgan.
Videoda o‘z qatnov qismi bo‘ylab kelayotgan “Volga”ning oldidan Yo‘l harakati qoidalariga xilof ravishda, qarama-qarshi qatnov qismiga chiqqan holda, davlat raqami 01 W 886 JA bo‘lgan Spark boshchiligida avtomobillar “karvoni” harakatlanib kelganini ko‘rish mumkin.

Kadr: Facebook / “Voditeli Tashkenta (Drivers.uz)”

“Volga” haydovchisi bu avtomobillarga yo‘l bermagan. Natijada, yo‘lning bo‘shatilishidan umidini uzgan ortdagi avtomobillar — davlat raqami 01 H 633 OA bo‘lgan Lacetti, uning ketidan davlat raqami 01 F 771 EA bo‘lgan Lacetti qarama-qarshi qatnov qismining 3-bo‘lagidan 2-bo‘lagiga o‘tib, “Volga”ni aylanib o‘tgan.

Kadr: Facebook / “Voditeli Tashkenta (Drivers.uz)”

Keyinroq ular safiga Tico (davlat raqami — 01 H 205 WA) va Lacetti (01 K 997 WA) qo‘shilgan.

Kadr: Facebook / “Voditeli Tashkenta (Drivers.uz)”


Kadr: Facebook / “Voditeli Tashkenta (Drivers.uz)”

“Karvon”ga boshchilik qilgan Spark o‘z qatnov qismiga suqilib kirgan — uning ortidan ikkita Matiz (birining davlat raqami — 01 M 660 EA, ikkinchisiniki — 01 R 966 TA) va bitta Nexia (davlat raqami — 01 Q 181 FA) ergashib kelgan.

Kadr: Facebook / “Voditeli Tashkenta (Drivers.uz)”


Kadr: Facebook / “Voditeli Tashkenta (Drivers.uz)”


Kadr: Facebook / “Voditeli Tashkenta (Drivers.uz)”

Ma’muriy javobgarlik to‘g‘risidagi kodeksning 128-5-moddasi (“Transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi”) 2-qismiga ko‘ra , transport vositalari haydovchilarining yo‘lning qarama-qarshi harakatlanish uchun mo‘ljallangan tomoniga yoki bo‘lagiga yo‘l harakati qoidalarini buzgan holda chiqishi eng kam ish haqining 10 baravari (7-aprel holatiga ko‘ra — 1 302 400 so‘m) miqdorida jarimaga sabab bo‘ladi.


Toshkentda “shoshayotgani uchun” yo‘lning qarama-qarshi qatnov qismiga chiqqan Matiz’ga yo‘l berilmadi


Toshkentda avtobus yo‘lning qarama-qarshi qatnov qismida yo‘lovchilarni tushirdi



Batafsil | Подробно | Read more... Daryo