Abduraimova hamda Omonmurodova Gruziyadagi turnirni g‘alaba bilan boshladi

Gruziyaning Batumi shahrida tennis bo‘yicha sovrin jamg‘armasi 25 ming AQSh dollaridan iborat turnirning asosiy to‘r bahslari davom etmoqda. Ushbu musobaqada bir yo‘la uch nafar o‘zbekistonlik tennischi ishtirok etmoqda, deb xabar beradi “Olamsport.com”.

Foto: olamsport.com

Ulardan birinchi bo‘lib bahslarga kirishgan Sabina Sharipova saralash musobaqasi g‘olibalaridan biri rossiyalik Anastasiya Gasanovani 7:5, 6:3 hisobida mag‘lub etdi.

Foto: olamsport.com

Shuningdek, Nigina Abduraimova hamda Oqgul Omonmurodovalar ham ilk bosqichda zafar quchdi. Turnirda birinchi raqam ostida tasniflangan Abduraimova rossiyalik Adeliya Zabirovani 6:2, 6:1 hisobida mag‘lub etdi.

Foto: olamsport.com

Musobaqada to‘rtinchi raqam ostida harakat qilayotgan Oqgul Omonmurodova esa gruziyalik Maryam Bolkvadzedan 6:3, 6:2 hisobida ustun keldi. Bugun, 9-sentabr kuni Sabina Sharipova ikkinchi davrada rossiyalik Alena Tarasovaga, Nigina Abduraimova yana bir rus raketka ustasi Angelina Gabuyevaga, Oqgul Omonmurodova esa turkiyalik Aksu Aylaga qarshi kortga chiqadi.
Batafsil | Подробно | Read more... Daryo