Daimler aksiyadorlari sosiskalar tufayli janjallashib qoldi

Germaniyaning Daimler avtomobil konserni aksiyadorlari yillik yig‘ilishlari chog‘ida sosiskalar tufayli janjallashib qoldi. Bu haqda Meduza xabar bermoqda .

Foto: EPA

Mojaro yig‘ilish qatnashchisi bufetdan bir necha sosiska olgan payt ro‘y berdi. Ayollardan biri unga tanbeh berdi va shundan so‘ng dahanaki jang boshlandi.
Ma’lum bo‘lishicha, kompaniya yig‘ilishdan avval 5,5 ming nafar aksiyador uchun 12,5 ming dona sosiska hozirlab qo‘ygan. Daimler direktorlar kengashi raisi Mafred Bishoff shundan so‘ng “Bizga yo ko‘proq sosiska kerak yoki umuman ularning bahridan o‘tish lozim”, deya kinoya qildi.
Yillik yig‘ilishda 2015-yilda salkam 150 milliard yevro tushumga ega bo‘lgan kompaniya har bir aksiya uchun 3,25 yevro miqdorda dividend to‘lash to‘g‘risida qaror qabul qildi. Bu mablag‘ Germaniya supermarketlarida aynan bir juft sosiska xarid qilishga yetadi.
Batafsil | Подробно | Read more... Daryo