Turkiya agentligi O‘zbekiston uchun Mercedes-Benz rusumidagi 10 ta mobil klinika ajratdi

“Sog‘lom avlod uchun” (SAU) xalqaro xayriya fondi 7-aprel kuni Turkiya Hamkorlik va muvofiqlashtirish agentligi (TIKA)ning O‘zbekistondagi vakolatxonasi tomonidan ajratilgan Mercedes-Benz rusumidagi 10 dona mobil klinika taqdimotini o‘tkazdi. Bu haqda fond matbuot xizmati xabar berdi .

Foto: Alibaba

Mobil klinikalar Vazirlar Mahkamasining 2015-yil 29-avgustdagi “2015—2018 yillarda Orolbo‘yi mintaqasini tiklash va ijtimoiy-iqtisodiy rivojlantirish, Orol halokatining oqibatlarini yengillashtirish borasidagi chora-tadbirlar kompleks dasturi to‘g‘risi”dagi qarori ijrosini ta’minlash, SAU ko‘chma tibbiy ijtimoiy yordam brigadalari moddiy-texnika bazalarini mustahkamlash hamda ona va bola sog‘lig‘ini muhofaza qilish, sog‘lom avlodni tayyorlash ishida xalqaro hamkorlikni rivojlantirish maqsadida ajratilgan.
Xabar berishlaricha, taqdimotda fondning Qoraqalpog‘iston Respublikasi, Samarqand, Andijon, Sirdaryo, Namangan, Xorazm, Toshkent, Farg‘ona viloyatlari hududiy filiallari va Tibbiy ijtimoiy markaz ko‘chma tibbiy yordam brigadalari hamda hududlararo tibbiy ijtimoiy yordam brigadalari ishtirok etgan.
Batafsil | Подробно | Read more... Daryo