“Paxtakor”ning bedarak yo‘qolgan massajchisi vafot etgani ma’lum bo‘ldi

Futbol bo‘yicha O‘zbekiston milliy terma jamoasi va “Paxtakor” futbol klubi massajchisi Anvar Biserov vafot etdi. Bu haqda O‘FF va “Paxtakor” FK matbuot xizmati xabar berdi.

Foto: “Championat.asia”

Avvalroq Anvar Biserov 3-fevral kuni uyidan chiqib ketib, bedarak yo‘qolgani haqida xabar berilgan edi . “Championat.asia”ning xabar berishicha , 7-aprel kuni Biserovning jonsiz tanasi topilgan.
Jasad aynan qayerdan topilganiga aniqlik kiritilmagan. Ijtimoiy tarmoqlarda tarqalgan xabarlarga ko‘ra, dafn marosimi 8-aprel kuni Namangan shahrida bo‘lib o‘tadi.
“Anvar Biserov juda yaxshi inson edi. Doimo kulib yurar, o‘zidan kichiklarni ‘pahlavon’ deb atardi”, — deb yozadi “Championat.asia” nashri.
1969-yilda Anvar Biserov faoliyatini “Navbahor” jamoasida boshlab, 1996-yilda mazkur jamoa bilan O‘zbekiston chempioni bo‘lgan, keyinchalik ko‘p yillar davomida futbol bo‘yicha O‘zbekiston milliy terma jamoasida ish olib borgan edi.
Batafsil | Подробно | Read more... Daryo