Usoma bin Ladenni o‘ldirganini aytgan amerikalik harbiy mast holda mashina haydagani uchun hibsga olindi

AQSh qurolli kuchlari “dengiz mushukchalari” maxsus guruhining sobiq a’zosi, “al-Qoida” rahbari Usoma bin Ladenni shaxsan o‘ldirganini da’vo qilgan Robert O’Nil mast holda mashina haydagani uchun hibsga olindi. Bu haqda, Associated Press agentligiga asoslanib, “Gazeta.ru” xabar bermoqda .

Foto: The Washington Times

Aytilishicha, Byutt shahridagi do‘konlardan birining xaridorlari tashqarida dvigateli yoqig‘liq mashina ichida uxlab yotgan erkakni ko‘rib, politsiyani chaqirgan. Voqea joyiga yetib kelgan huquq-tartibot xodimlarini ko‘rishi bilan Robert O’Nil o‘zini g‘alati tuta boshlagan.
Qo‘lga olingan haydovchi alkogol ichimliklar iste’mol qilganini rad etib, tibbiy preparat ta’sirida uxlab qolganini ta’kidlagan.
O’Nilning qonida alkogol borligi tekshiruv natijasida aniqlangan. Politsiyachilar uni idoraga olib kelib, mast holda mashina haydash ayblovini qo‘ygan.
Ikki yil muqaddam O’Nil 2011-yilda AQSh maxsus kuchlarining operatsiyasi chog‘ida bin Ladenni shaxsan otib tashlaganini aytgan edi.
Batafsil | Подробно | Read more... Daryo