Tramp va Klinton saylovoldi poygasidagi yetakchiligini mustahkamlab olgani qayd etildi

Milliarder Donald Tramp va sobiq davlat kotibi Hillari Klinton prezidentlik uchun saylovoldi poygasida tegishli ravishda respublikachilar va demokratlar o‘rtasida yetakchilik mavqeini mustahkamladi. Ipsos xalqaro sotsiologik markazi Reuters agentligi bilan hamkorlikda o‘tkazgan umummilliy so‘rov natijalari shundan dalolat bermoqda, deya xabar beradi “TASS”.

Foto: AP

Tramp uchun respublikachilarni qo‘llab-quvvatlayotgan so‘rov ishtirokchilarining 42,9 foizi ovoz berishga tayyor ekanliklarini bildirgan. Ikkinchi o‘rinda Texas shtatidan senator Ted Kruz (32%), uchinchi o‘rinda esa Ogayo shtati gubernatori Jon Keysik (20%) bormoqda. Fevralda o‘tkazilgan so‘rov natijalariga ko‘ra, Trampning reytingi 40 foizdan iborat bo‘lgan.
Demokratlar orasida Klinton yetakchi bo‘lib qolmoqda, partiya tarafdorlarining 53 foizi unga ovoz berish niyatida. Vermont shtatidan senator Berni Sanders nomzodini respondentlarning 43 foizi qo‘llamoqda. Fevral oyida Klintonning reytingi 48 foizga teng edi.
Batafsil | Подробно | Read more... Daryo