O‘zbekistonlik Jo‘rabek Karimov Qarshidagi tennis turnirining vitse-chempioniga aylandi

O‘zbekistonlik Jo‘rabek Karimov Qarshi shahrida o‘z yakuniga yetgan Karshi ITF Pro Circuit tennis turnirining vitse-chempioniga aylandi.

Foto: Getty Images

Xalqaro tennis federatsiyasining ma’lum qilishicha , final bahsida 17 yoshli o‘zbekistonlik iste’dodli tennischi belaruslik Ilya Ivashkaga qarshi korta chiqdi. Bir soatu 35 daqiqa davom etgan bellashuvda 6:3, 1:6, 6:1 hisobi qayd etilib, Ivashka foydasiga hal bo‘ldi.
Eslatib o‘tamiz, Jo‘rabek Karimov ikkinchi davrada belgiyalik Sander Jilleni   4:6, 6:4, 6:4 , chorak finalda belaruslik Yaraslav Shilani   6:3, 6:1  hamda yarim finalda o‘zbekistonlik Humoyun Sultonovni 6:4, 6:2 hisobida mag‘lubiyatga uchratgan edi.
“Sports.uz” internet-nashrining xabar berishicha , O‘zbekiston vakili Sanjar Fayziyev bilan tandem hosil qilgan Jo‘rabek juftliklar bahsi finalida Sumit Nagal (Hindiston) va Chen Ti (Xitoy Taypeyi) tandemiga qarshi bahs olib bordi. Mazkur bellashuvda o‘zbekistonlik duet uchrashuvni muddatidan avval yakunlashga majbur bo‘ldi. O‘yin birinchi setda 5:5 hisobi qayd etilganida to‘xtatildi. Karimov/Fayziyev juftligining o‘yinni davom ettira olmaganligi sababi ma’lum qilinmadi.
Shu tariqa, Karimov/Fayziyev tandemi musobaqaning juftliklar bahsi vitse-chempioni bo‘ldi.
Batafsil | Подробно | Read more... Daryo