APL, 33-tur. “Vest Hem” London derbisida “Arsenal”ga 3 ta gol urib, 2 ochko yo‘qotdi

Futbol bo‘yicha Angliya Premyer-ligasida 33-tur bellashuvlari start oldi. Uning birinchi o‘yinida “Vest Hem” hamda “Arsenal” 3:3 hisobida durang o‘ynadi.

Foto: Getty Images

35-daqiqaga kelib mehmonlar Ozil va Sanchesning goli evaziga 2 ta to‘p farqi bilan oldinga chiqib olgandi. “Vest Hem” esa birinchi bo‘limning o‘zidayoq farqni yo‘qqa chiqardi.
8 daqiqa ichida xet-trik qayd etgan Endi Kerrol, “Vest Hem”ni oldinga olib chiqdi. Joriy mavsum hisobidan jamoasi ishtirokidagi 20 ta o‘yinda 4 ta gol urgan hujumchi, xatto dublga ham erishmagandi.
70-daqiqaga kelib “Arsenal” safida Loran Koselni gol urib, jamoasini mag‘lubiyatdan qutqarib qoldi. Tomonlarning “Emireyts” stadionidagi birinchi o‘yinida “Vest Hem” 2:0 hisobida g‘alaba qozongandi.
“Arsenal” 32 ta o‘yinda 59 ochko bilan APLda 3-o‘rinda bormoqda hamda 2-pog‘onadagi “Tottenhem”dan 3 ochko ortda. “Vest Hem” esa 32 ta o‘yinda 52 ochko jamg‘arib, 6-o‘ringa joylashgan.
Angliya Premyer-ligasi
33-tur bellashuvlari
9-aprel, shanba
“Vest Hem” — “Arsenal” 3:3
Gollar: Mesut Ozil, 18 (0:1). Aleksis Sanches, 35 (0:2). Endi Kerrol, 44 (1:2). Endi Kerrol, 45+2 (2:2). Endi Kerrol, 52 (3:2). Loran Koselni, 70 (3:3).
“Aston Villa” — “Bornmut”
“Suonsi” — “Chelsi”
“Uotford” — “Everton”
“Sauthempton” — “Nyukasl”
“Kristal Pelas” — “Norvich”
“Manchester Siti” — “Vest Bromvich”
10-aprel, yakshanba
“Sandrlend” — “Lester”
“Tottenhem” — “Manchester Yunayted”
“Liverpul” — “Stok Siti”
Batafsil | Подробно | Read more... Daryo