Abdulaziz Kamilov AQSh Davlat kotibi yordamchisi o‘rinbosari Daniel Rozenblumni qabul qildi

9-aprel, juma kuni O‘zbekiston Respublikasi tashqi ishlar vaziri Abdulaziz Kamilov mamlakatga tashrif buyurgan Janubiy va Markaziy Osiyo ishlari bo‘yicha AQSh Davlat kotibi yordamchisi o‘rinbosari Daniel Rozenblumni qabul qildi. Bu haqda vazirlik matbuot xizmati xabar bermoqda .

Foto: O‘zbekiston Respublikasi Tashqi ishlar vazirligi

Muzokaralar chog‘ida ikki tomonlama munosabatlarning hozirgi holati va istiqbollari, jumladan O‘zbekiston—AQSh siyosiy maslahatlashuvlari va O‘zbekiston delegatsiyasining 2016-yil yanvar oyida Vashington shahrida o‘tkazgan muzokaralari natijalari muhokama qilindi.
Uchrashuvda siyosiy, savdo-iqtisodiy, investitsion, gumanitar va boshqa sohalarda O‘zbekiston va AQSh o‘rtasidagi munosabatlarni barqaror rivojlantirishdan ikki tomon ham manfaatdor ekanligi qayd etildi.
Shuningdek, xalqaro va mintaqaviy masalalar yuzasidan fikr almashildi.
Suhbatda AQShning O‘zbekistondagi Favqulodda va muxtor elchisi Pamela Leora Spratlen ishtirok etdi.
Daniel Rozenblum 2015-yilning avgust oyida ham O‘zbekistonda bo‘lib, Abdulaziz Kamilov bilan uchrashgandi .
Batafsil | Подробно | Read more... Daryo