La Liga, 32-tur. “Real” yirik g‘alabasi evaziga turnir jadvalida “Atletiko”dan o‘zib ketib, 2-o‘ringa ko‘tarilib oldi

Futbol bo‘yicha Ispaniya La Ligasining 32-turi 8-aprel kuni “Granada” va “Malaga” klublari o‘rtasidagi o‘yin bilan start olgandi.

Foto: Getty Images

Turning 9-aprel kungi uchrashuvlarini Madridning “Real” klubi boshlab berdi. “Santyago Bernabeu”da “Eybar”ni qabul qilgan Zidan jamoasi 4:0 hisobida zafar quchdi. Gollarning barchasi birinchi 45 daqiqalikda kiritildi.
Mazkur g‘alabadan keyin “Real” ochkolari sonini 72 taga yetkazib, “Atletiko”dan oldingi — ikkinchi o‘ringa ko‘tarildi. Bugun, 9-aprel kuni “Atletiko” “Espanyol” ustidan g‘alaba qozonsa, 2-pog‘onani qaytarib olishi mumkin.
“Eybar”ga qarshi o‘yinda 1 ta gol urgan Krishtianu Ronaldu to‘pururlar poygasida 30 ta gol bilan peshqadam bo‘lib turibdi.
Gol+pas ko‘rsatkichi bo‘yicha Ronaldu Luis Suares bilan bir hil natija qayd etib turgandi. “Eybar”ga qarshi o‘yinda Xesening goliga assistentlik qilganini ham qo‘shib hisoblasa, bu borada Krishtianu ko‘rsatkichini ikkitaga yaxshilab oldi — 40 ta.
La Liga
32-tur bellashuvlari
8-aprel, juma
“Granada” — “Malaga” 0:0
9-aprel, shanba
“Real Madrid” — “Eybar” 4:0
Gollar: Xames Rodriges, 5 (1:0). Lukas Vaskes, 18 (2:0). Krishtianu Ronaldu, 19 (3:0). Xese, 39 (4:0).
“Real Madrid”: Kiko Kasilya, Pepe, Alvaro Arbeloa, Xose Ignasio Nacho, Daniel Karvaxal (Danilo, 63), Xames Rodriges, Karlos Kasemiro (Mateo Kovachich, 54), Isko, Lukas Vaskes, Krishtianu Ronaldu, Xese (Borxa Mayoral).
“Espanyol” — “Atletiko”
“Real Sosyedad” — “Barselona”
“Betis” — “Levante”
10-aprel, yakshanba
“Sporting” — “Selta”
“Valensiya” — “Sevilya”
“Vilyarreal” — “Xetafe”
“Atletik” — “Rayo Valyekano”
11-aprel, dushanba
“Deportivo” — “Las-Palmas”
Batafsil | Подробно | Read more... Daryo