FQBning eng qidirilayotgan jinoyatchilar ro‘yxatidagi yagona ayol Meksikada qo‘lga olindi

Meksika huquq-tartibot idoralari AQSh federal qidiruv byurosi (FQB) tomonidan tuzilgan eng ko‘p qidirilayotgan 10 nafar jinoyatchi ro‘yxatidagi yagona ayol — Brenda Delgadoni qo‘lga oldi. Bu haqda Meduza xabar bermoqda .

Foto: CNN

Tergov ma’lumotlariga ko‘ra, Delgado sobiq jazmanining yangi ma’shuqasini o‘ldirish uchun ikki kishini yollagan. Qurbon — tish shifokori Kendra Xetcher 2-sentabr kuni Dallasdagi turar-joy majmuining avtomobillar qo‘yish manzilida otib o‘ldirilgan, shundan so‘ng Delgado mamlakatdan qochgan.
U 9-o‘rinda qayd etilgan 10 nafar eng qidirilayotgan jinoyatchilar ro‘yxatiga aprel oyi boshida kiritilgandi (FQB tomonidan 1950-yildan beri tuzib kelinadigan mazkur ro‘yxatga ayollar shu paytgacha to‘qqiz marotaba kiritilgan, xolos).
Delgado 8-aprel, juma kuni Meksika shimolida hibsga olindi. Qo‘lga olish jarayonida ayol qarshilik ko‘rsatmagan.
Batafsil | Подробно | Read more... Daryo