Amir Temur tavalludining 680 yilligi munosabati bilan tantanali tadbir bo‘lib o‘tdi

9-aprel, shanba kuni Toshkentdagi Amir Temur xiyobonida Sohibqiron tavalludining 680 yilligi munosabati bilan tantanali tadbir bo‘lib o‘tdi. Unda senatorlar, deputatlar, hukumat a’zolari, yozuvchi va shoirlar, olimlar, talaba-yoshlar, keng jamoatchilik vakillari ishtirok etdi. Bu haqda O‘zA  xabar bermoqda .

Foto: O‘zA

Xalqaro Amir Temur xayriya jamoat fondi raisi Nozim Habibullayev, O‘zbekiston Yozuvchilar uyushmasi raisi Muhammad Ali, yuridik fanlar doktori, professor Akmal Saidov, Fransiyaning O‘zbekistondagi Favqulodda va muxtor elchisi Jak-Anri Ols Amir Temur shaxsi, buyuk xizmatlarini ta’kidlab o‘tdi. “Amir Temur tavalludining 680 yilligiga – 680 ming qadam” shiori ostida Shahrisabzdan Toshkentga piyoda kelgan 65 yoshli havaskor sportchi Abdujabbor Xolboyev Sohibqiron ruhi unga ma’naviy kuch bag‘ishlagani haqida so‘zladi.
“Yoshlar Amir Temur bobomizning ibratli hayoti, adolatparvarlikka yo‘g‘rilgan faoliyati haqida dunyo olimlari tomonidan bildirilgan fikrlarni o‘zbek, ingliz, rus, fransuz, yapon va boshqa tillarda o‘qib berdi. Tadbir qatnashchilari Amir Temur haykali poyiga gullar qo‘ydi.
Temuriylar tarixi davlat muzeyida ‘Amir Temur va Temuriylar davridagi ilm-fan va madaniyat rivojining jahon tamaddunidagi o‘rni’ mavzuida respublika ilmiy-amaliy anjumani bo‘lib o‘tdi. Tadbirda Temuriylar tarixiga oid eng yaxshi tasviriy va publitsistik asarlar tanlovi g‘oliblari taqdirlandi”, — deyiladi O‘zA xabarida.
Batafsil | Подробно | Read more... Daryo