Jon Kerrining Kobulga tashrifi chog‘ida uchta portlash ro‘y berdi

Afg‘oniston poytaxtida 9-aprel, shanba kuni kechki payt birdaniga uchta kuchli portlash ro‘y berdi. Bu haqda “TASS” xabar bermoqda .

Foto: AP

Afg‘onistonning Tolo News telekanali ma’lumotlariga ko‘ra, uchta snaryad Kobul hududiga yo‘llangan, ulardan ikkitasi diplomatik dahada portlagan.
Portlashlar AQSh Davlat kotibi Jon Kerri va Afg‘oniston prezidenti Ashraf G‘ani Ahmadzayning rasmiy uchrashuvidan so‘ng ko‘p o‘tmay sodir bo‘lgan. Qurbonlar va jabrlanganlar haqida xabar berilmagan. Ular uchun kim javobgarlikni zimmasiga olgani ham noma’lum.
Tashrif chog‘ida AQSh diplomatiyasi rahbari “Tolibon” harakati yetakchilariga ham murojaat etib, rasmiylar bilan muzokaralarni boshlashga chaqirdi. “Biz ‘Tolibon’ harakatini zo‘ravonliklarga barham berishga qaratilgan tinchlik jarayoni ishtirokchisi bo‘lishga chaqiramiz”, — deya ta’kidlagan Kerri.
Batafsil | Подробно | Read more... Daryo