Shahzoda Charlz Buyuk Britaniyada namoyish etilishi uchun Nozim To‘laxo‘jayev ishlagan multfilmni sotib olgan

O‘zbekistonda xizmat ko‘rsatgan madaniyat xodimi, rejissor, multplikator, ssenariynavis, aktyor Nozim To‘laxo‘jayev u suratga olgan multfilmlardan birini Buyuk Britaniya shahzodasi Charlz sotib olganini ma’lum qildi. Bu haqda “Darakchi” gazetasi xabar bermoqda.

Foto: Futurist Studio

“1983-yili ‘Vinni-Pux’ multfilmi asoschisi, multplikator Fyodor Xitruk bilan uchrashib qolganmiz. ‘Mustaqil ish qilmoqchiman’, deganman, u esa kutilmaganda: ‘Mayli, qaysi asarni suratga olmoqchisan?’, deb so‘ragan. Shoshib qolib, Rey Bredberining ‘Yoqimli yomg‘ir yog‘adi’ asarini aytib yuborganman”, — dedi To‘laxo‘jayev.
“Shu asar asosida ssenariy yozdim, ma’qullandi. Mazkur multfilmim Germaniya, Ispaniya kabi davlatlarda namoyish etilib, qator sovrinlar bilan mukofotlangan. O‘sha vaqtda Londondan shahzoda Charlz kelganida, bizni qabuliga chaqirishgan”, — deydi san’atkor.
“Tarjimon meni shahzodaga tanishtirganida, multfilm haqida iliq fikrlar bildirib: ‘London televideniyesida ikki yil namoyish etilishi uchun multfilmingni sotib oldim’, degandi”, — dedi Nozim To‘laxo‘jayev.
Batafsil | Подробно | Read more... Daryo