Oliy Liga, 4-tur. “Lokomotiv” Jizzaxda 2 ochko yo‘qotdi, “Bunyodkor”ga esa Satoning goli 3 ochko keltirdi

Futbol bo‘yicha O‘zbekiston Oliy Ligasida 4-turning 10-aprel sanasiga tayin qilingan har ikkala o‘yini o‘z yakuniga yetdi.

Foto: “Lokomotiv” FK matbuot xizmati

2016-yilgi mavsumni ham xalqaro maydonda, ham ichki chempionatda mag‘lubiyatlarsiz o‘tkazayotgan Toshkentning “Lokomotiv” klubi kutilmaganda “So‘g‘diyona”ga qarshi o‘yinda ochko yo‘qotdi. Jizzax klubi bunga qadar o‘tkazilgan 3 ta turda bor yo‘g‘i 1 ochko ishlashning uddasidan chiqa olgandi.
Kunning ikkinchi o‘yinida Toshkentning boshqa bir klubi “Bunyodkor” G‘uzorda “Sho‘rtan”ni mag‘lub etdi. O‘yindagi yagona gol 54-daqiqada yaponiyalik legioner Sato Minori tomonidan kiritildi.
4-turdan keyin “Lokomotiv” 10 ochko bilan to‘plar nisbatiga ko‘ra turnir jadvalini boshqarib turibdi. Shuningdek, “Bunyodkor” hamda “Qizilqum” klublari ham 10 tadan ochko ishlagan.
4-tur ertaga, 11-aprel kuni bo‘lib o‘tadigan “Paxtakor” — “Nasaf” o‘yini bilan yakuniga yetadi. Hozircha “Paxtakor” hisobida 7, “Nasaf”da 9 ochko bor. Qarshi klubi 4-turdan keyin yo‘qotishlarsiz borayotgan yagona jamoaga aylanib olishi mumkin.
Oliy Liga
4-tur bellashuvlari
10-aprel, yakshanba
“Sho‘rtan” — “Bunyodkor” 0:1
Gol: Sato Minori, 54 (1:0).
Chetlatish: Jamol Otaqulov, 89 (Sh).
“Bunyodkor”: Murod Zuxurov, Akmal Shorahmedov, Akrom Komilov, Javlon Ibrohimov, Sato Minori, Eldor Shomurodov (Shahzod Nurmatov, 65), Doston Hamdamov, Rustam Ashurmatov, Otabek Shukurov (Shaker Zuagi, 84), Yuritsa Bulyat, Bahodir Nasimov (Zabihillo O‘rinboyev, 73).
“So‘g‘diyona” — “Lokomotiv” 1:1
Gollar:  Murod Xolmuhamedov, 46-pen (1:0). Temurxo‘ja Abduxoliqov, 81 (1:1).
“Lokomotiv”: Ignatiy Nesterov, Marat Bikmayev, Temurxo‘ja Abduxoliqov, Timur Kapadze, Islom To‘xtaxo‘jayev, Sanjar Shoahmedov, Xurshid Muxtorov, Ikrom Aliboyev (Salim Mustafoyev, 67), Quvondiq Ro‘ziyev (Server Jeparov, 55), Sherzod Fayziyev, Jasur Hasanov.
11-aprel, dushanba
“Paxtakor” — “Nasaf”


Oliy Liga, 4-tur. “Obod” elitadagi dastlabki golini urgan o‘yindan keyin “Qizilqum” turnir jadvalida 1-o‘ringa ko‘tarilib oldi


Oliy Liga, 4-tur. “Buxoro” Qo‘qonda zafar quchib, “Paxtakor” hamda “Bunyodkor”dan ilgarilab ketdi


Oliy Liga, 4-tur. So‘nggi o‘rinlarda borayotgan “Andijon” va “Olmaliq” klublari mavsumdagi ilk g‘alabani qo‘lga kiritdi



Batafsil | Подробно | Read more... Daryo