Buyuk britaniyalik taniqli tarixchi, kolleksioner va art-diler Adrian Grinvud o‘ldirib ketildi

Oksford shahrida buyuk britaniyalik taniqli tarixchi, kolleksioner va san’at asarlari oldi-sotdisi bilan shug‘ullangan art-diler Adrian Grinvud o‘ldirib ketildi. Politsiyaning ma’lum qilishicha, farrosh ayol olimning ko‘plab pichoqlanish izlari bo‘lgan jasadiga unga tegishli bo‘lgan to‘rt qavatli uyda duch kelgan, deya xabar beradi “TASS”.

Foto: AP

“Uyga kiraverishda mushtlashuv bo‘lgani taxmin qilinmoqda. Ekpertiza Grinvud shafqatsiz va uzoq davom etgan hujum tufayli o‘lganini ko‘rsatmoqda. Hujum qilgan kimsada jarohat izlari qolgan bo‘lishi mumkin”, — deya ta’kidlagan Temz-velli okrugi politsiyasi o‘ta og‘ir jinoyatlar bo‘linmasi boshlig‘i Kris Uord.
Mazkur bayonotdan so‘ng ko‘p o‘tmay politsiya 42 yoshli olimni o‘ldirganlikda gumon qilinayotgan 26 yoshli erkak qo‘lga olinganini ma’lum qildi.
Batafsil | Подробно | Read more... Daryo