Bundesliga, 29-tur. Xavyer Ernandesning goli “Bayer”ni Chempionlar Ligasiga yo‘llanma beruvchi o‘ringa olib chiqdi

Futbol bo‘yicha Germaniya Bundesligasida sovrinli o‘rinlardan birini qo‘lga kiritish uchun kurash olib borayotgan Leverkuzenning “Bayer” klubi ketma-ket to‘rtinchi g‘alabani qo‘lga kiritdi.

Foto: Getty Images

“Kyoln” maydoniga safar etgan “Bayer” 2:0 hisobida zafar quchdi. Birinchi bo‘limning 39-daqiqasida Yulian Brandt mehmonlarni hisobda oldinga olib chiqqan bo‘lsa, oradan besh daqiqa o‘tib Xavyer Ernandes g‘alabani mustahkamlagan golga mualliflik qildi.
24 ta o‘yinda 16 ta gol urgan Xavyer Ernandes to‘purarlar poygasida Robert Levandovski (25), Pyer-Emerik Obameyang (23) va Tomas Myuller (19)dan keyin to‘rtinchi o‘rinni egallab turibdi.
“Bayer”ning o‘zi ham Germaniya Bundesligasida 4-o‘ringa ko‘tarilib oldi. Klub mavsum yakuniga 5 ta tur qolganida 48 ochko jamg‘argan. Undan oldingi pog‘onani egallab turgan “Gerta” hisobida 49 ochko mavjud. “Bayer”dan keyin hisobida 45 tadan ochko bor uch klub bor: “Borissiya Myunxengladbax”, “Maynts” va “Shalke”.
Germaniya Bundesligasi
29-tur bellashuvi
10 aprel, yakshanba
“Kyoln” — “Bayer” 0:2
Gollar: Yulian Brandt, 39 (0:1). Xavyer Ernandes, 44 (0:2).
Chetlatishlar: Leonardo Bittenkort, 90+6 (K). Vendell, 90+6 (B).
Batafsil | Подробно | Read more... Daryo