O‘zbekistonda litsenziya egalariga meva va sabzavotlarni avtotransport orqali eksport qilish uchun ruxsat beriladi

2016-yil 1-iyuldan boshlab meva-sabzavot mahsulotlari, kartoshka, poliz mahsulotlari va uzumni (TIF TN kodi 07-08) eksport qilishni yuklarni avtomobil transporti bilan xalqaro tashishlarni amalga oshirish huquqi uchun litsenziyaga ega bo‘lgan O‘zbekiston Respublikasining yuridik va jismoniy shaxslariga tegishli avtotransport vositalaridan foydalangan holda amalga oshirishga ruxsat berildi. Bu Vazirlar Mahkamasin qarori ( pdf )da ko‘zda tutilgan.

Foto: “Review.uz”

Hujjatda ta’kidlanishicha, qaror 2016-yilda meva-sabzavot mahsulotlari, kartoshka, poliz mahsulotlari va uzumni eksportga yetkazib berishni samarali tashkil etish maqsadida qabul qilingan.
O‘zbekistonda avtotransport vositalaridan foydalangan holda meva-sabzavot mahsulotlari, kartoshka, poliz mahsulotlari va uzumni eksport qilish o‘tgan yilning sentabridan taqiqlangan edi . Oktabr boshida esa Vazirlar Mahkamasi bunga 1-yanvarga qadar ruxsat bergan edi .
20-yanvardagi hukumat qarori bilan esa avtotransport vositalaridan foydalangan holda meva-sabzavot mahsulotlari, kartoshka, poliz mahsulotlari va uzumni eksport qilishga berilgan ruxsat muddati 1-iyulgacha uzaytirilgandi .
Batafsil | Подробно | Read more... Daryo