Qodirov Putindan neft quduqlarini Chechenistonga berishni so‘radi

Checheniston rahbari vazifasini vaqtincha bajaruvchi Ramzan Qodirov Rossiya prezidenti Vladimir Putinga Checheniston respublikasidagi bir nechta muhim loyihalarni qo‘llab-quvvatlashda yordam berishini iltimos qilib maktub yozdi. Bu haqda Meduza xabar beradi .

Foto: “RIA Novosti”

Jumladan, Qodirov respublikadagi mingga yaqin neft qudug‘i, bir nechta neftni qayta ishlovchi zavod, to‘rtta neft bazasi va neft bilan bog‘liq boshqa aktivlar tegishli bo‘lgan “Chechennefteximprom” kompaniyasi aksiyalarining 100 foizini Checheniston hukumatiga berishni so‘ragan.
Qodirovning so‘zlariga qaraganda, Rossiya prezidenti ushbu aktivlarni topshirish haqida 2015-yilning dekabrida qaror qabul qilgan, biroq hukumat qarorni haligacha ijro etmagan.
Bundan tashqari, Qodirov Putindan Grozniy aeroportini rekonstruksiya qilishning ikkinchi bosqichini hal etishda yordam berishini so‘ragan. Buning uchun Checheniston qo‘shimcha moliyalashtirishni so‘ragan. Maktubda, shuningdek, ko‘chki yuz beradigan hududlardan 25 ming kishini ko‘chirish bilan shug‘ullanish lozimligi aytilgan.
Batafsil | Подробно | Read more... Daryo