Samarqandda fuqarolar yig‘inlari raislari va ularning maslahatchilari sayloviga bag‘ishlangan seminar o‘tkazildi

Samarqandda O‘zbekiston Respublikasi Oliy Majlisi Senati Kengashi va xalq deputatlari viloyat Kengashining fuqarolar yig‘inlari raislari hamda ularning maslahatchilari saylovini tashkil etish hamda o‘tkazishga ko‘maklashuvchi komissiyalari tomonidan saylovning tashkiliy-huquqiy asoslariga bag‘ishlangan seminar o‘tkazildi. Bu haqda O‘zA  xabar bermoqda .

Foto: Samarqand viloyat hokimligi matbuot xizmati

Seminar hududlarga bo‘lingan holda, Samarqand va Kattaqo‘rg‘on shaharlarida tashkil etilib, unda tegishli ko‘maklashuvchi komissiyalar, ishchi guruhlari, “Mahalla” xayriya jamoat fondi viloyat bo‘limi, tuman va shahar bo‘linmalari mutasaddilari ishtirok etdi.
Tadbirda aholining saylovdan xabardorligi va huquqiy bilimini oshirish fuqarolar yig‘ini raisi va uning maslahatchilari vazifasiga eng munosib kishilarni saylashda muhim omil bo‘lishi alohida ta’kidlandi. Shu maqsadda joylarda saylov qonunchiligi va ushbu jarayon bilan bog‘liq tushuntirish-targ‘ibot ishlarini yanada kuchaytirish yuzasidan fikr almashildi.
Batafsil | Подробно | Read more... Daryo