Ukraina prokuraturasi Donetskda urib tushirilgan Boeing-777 ishi bo‘yicha bosh ekspertga suiqasd haqida ma’lum qildi

Ukraina bosh prokuraturasi Donetsk yaqinida Malaysia Airlines aviakompaniyasining Boeing-777 samolyoti halokatga uchraganligi ishi bo‘yicha bosh ekspertga suiqasd etilganini ma’lum qildi. Gumonlanuvchi qo‘lga olingan, biroq uning shaxsi, shuningdek, jinoyat tafsilotlari hozircha noma’lum. Bu haqda Meduza xabar bermoqda .

Foto: “Liga.Novosti”

2015-yil noyabrida Kiyevda mamlakat adliya vazirligi sud ekspertizasi ilmiy-tekshirish instituti direktori Aleksandr Ruvinga suiqasd uyushtirilgan, u o‘qotar quroldan olingan jarohatlar bilan kasalxonaga yotqizilgandi.
Ukraina bosh prokurori o‘rinbosari Anatoliy Matios 11-aprel, dushanba kuni jurnalistlar uchun brifingda mazkur jinoyat tafsilotlari haqida hikoya qilishi kutilmoqda.
Eslatib o‘tamiz, Malaysia Airlines aviakompaniyasining Boeing-777 samolyoti 2014-yil 17-iyulda Donetsk viloyatida halokatga uchragan , layner bortidagi 298 kishining barchasi halok bo‘lgandi.
Batafsil | Подробно | Read more... Daryo