Xitoy 2050-yilda futbol bo‘yicha Jahon chempionati g‘olibligini qo‘lga kiritishni rejalashtirmoqda

Xitoy hukumati tomonidan futbolni rivojlantirish bo‘yicha tayyorlangan rejaga ko‘ra, mamlakat terma jamoasi 2050-yilda futbol bo‘yicha Jahon chempionati g‘olibligini qo‘lga kiritishi lozim, deb xabar beradi “TASS”.

Foto: “Chempionat”

Xabar qilinishicha, rejani tayyorlashda Xitoy futbol fereratsiyasi, mamlakat Sport va ta’lim vazirligi, shuningdek, Xitoy rahbari Si Szinpin ishtirok etgan.
“Xitoy uchta orzuni amalga oshirishi kerak: Jahon chempionatini tashkil qilish, unda ishtirok etish va nihoyat g‘alaba qozonish”, — dedi Si Szinpin.
Hozirgi kunga qadar Xitoy terma jamoasi faqatgina 2002-yilda bo‘lib o‘tgan Jahon chempionatining guruh bahslarida ishtirok etgan.
Rejada qo‘yilgan maqsadlarga erishish uchun Xitoy hukumati 50 millionga yaqin futbolchilar tahsil oladigan 20 mingta futbol akademiyasini tashkil qiladi.
Ma’lumot uchun, Xitoy terma jamoasi Osiyo qit’asidan JCh–2018 turniriga 2-saralash bahslari “C” guruhida ikkinchi o‘rin bilan 3-saralash bosqichiga yo‘l oldi.
Futbol bo‘yicha navbatdagi Jahon chempionati 2018-yilning 14-iyunidan 15-iyuligacha Rossiyaning 11 shahri — Moskva, Sankt-Peterburg, Qozon, Sochi, Samara, Nijniy Novgorod, Rostov-Don, Volgograd, Yekateringburg va Saranskda joylashgan 12 stadionda bo‘lib o‘tadi.
Batafsil | Подробно | Read more... Daryo