O‘zbekistonlik yosh raqqoslar Tailand qiroli kubogida 1-o‘rinni egalladi

Alisher Raimjonov va Kamilla Mirzaahmedova Tailand qiroli kubogi uchun raqs sporti bo‘yicha 10 yoshgacha bo‘lgan sportchilar o‘rtasidagi ochiq xalqaro turnirda Lotin Amerika dasturining Yuvenal yo‘nalishida 1-o‘rinni egalladi.

Foto: Murad Buildings


Foto: Murad Buildings

Ushbu yo‘nalishda 46 juftlik qatnashdi, o‘zbekistonlik bolalar esa 60 marta parketga chiqib, oson bo‘lmagan mazkur raqs marafonini mardonavor yengib o‘tdi. Qoyilmaqom tayyorgarlik ko‘rgani va g‘alabaga bo‘lgan kuchli irodasi sabab, yosh raqqoslar o‘z vazifasini munosib uddaladi va shohsupadan turib, davlat bayrog‘ining ko‘tarilishini faxr bilan kuzatdi.

Foto: Murad Buildings


Foto: Murad Buildings

Yosh sportchilarning ota-onalari mazkur musobaqaga tayyorgarlik ko‘rishda ishtirok etgan hamda Alisher va Kamillani doimiy ravishda qo‘llab-quvvatlab turgan barchaga minnatdorchilik bildiradi. Shoshilinch ravishda rag‘bat va ko‘mak ko‘rsatgani uchun Murad Buildings kompaniyasiga alohida tashakkur izhor etildi.
Reklama huquqi asosida
Batafsil | Подробно | Read more... Daryo