2015-yilda mahallalar kam ta’minlangan oilalarga 3,5 milliard so‘mga yaqin moddiy yordam ko‘rsatdi

2015-yilda mahallalar tomonidan kam ta’minlangan oilalarga 3,5 milliard so‘mga yaqin moddiy yordam ko‘rsatildi. Bu haqda O‘zA  xabar berdi .

Foto: O‘zA

Fuqarolarning sog‘lig‘ini tiklash, urush va mehnat fronti faxriylarining uy-joyini ta’mirlash bo‘yicha ham salmoqli mablag‘ ajratildi. 398 nafar nogiron va chin yetimlarning 525,8 million so‘m o‘quv-kontrakt puli to‘lab berildi.
Bayramlarda kam ta’minlangan, ijtimoiy himoyaga muhtojlarga sovg‘a-salom berilmoqda. Kam ta’minlangan oila farzandlarining sog‘lomlashtirish oromgohlarida bepul dam olishi tashkil etilmoqda.
Mehribonlik, “Saxovat” va “Muruvvat” uylaridagi fuqarolar va tarbiyalanuvchilar, shuningdek, ijtimoiy himoyaga muhtoj yolg‘iz keksalar, mehnat faxriylari va nogironlar kiyim-kechak bilan ta’minlanmoqda.
Ma’lumot uchun, O‘zbekistonda o‘n mingga yaqin fuqarolarning o‘zini o‘zi boshqarish organi faoliyat yuritmoqda.
Batafsil | Подробно | Read more... Daryo