Toshkentda Nexus 5X 2,4 mln so‘mdan sotuvga chiqdi

Toshkentda Google LG Electronics kompaniyasi bilan hamkorlikda ishlab chiqargan Nexus 5X sotuvga chiqdi, deb  xabar beradi  “Mobinfo.uz”.

Foto: “Mobinfo.uz”

Aslini olib qaraganda, smartfonni 2014-yilda chiqarilgan Nexus 5 ning takomillashgan ko‘rinishi deyish mumkin. U plastik korpusga hamda diagonali 5,2 dyuym, Full HD (1080 × 1920, 424 ppi) yechimli IPS-matritsaga ega.
Nexus 5X’ning “yuragi” olti yadroli va Adreno 418 grafikali Qualcomm Snapdragon 808 chipi hisoblanadi. U 2 Gb operativ va 16/32 Gb ichki xotiraga ega. Kameralar borasida LG Nexus 5X avvalroq sotuvga chiqqan Nexus 6P’ning o‘zi, barmoq izi sensori, oldi paneldagi stereodinamikka ham ega. Smartfon Android 6.0 Marshmallow operatsion tizimi asosida ishlaydi.
Toshkentdagi “Fleshka” savdo majmuasida Nexus 5X 2,4 million so‘mga taklif qilinmoqda. Qiyos uchun, yaqinda Nexus 6P smartfoni 3,4 million so‘mdan sotilayotgan edi.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Batafsil | Подробно | Read more... Daryo