YeChL. Ronaldu “Real”ni, de Bryuyne “Manchester Siti”ni yarim finalga olib chiqdi

Futbol bo‘yicha Yevropa Chempionlar Ligasi musobaqasida yarim finalning ikkita ishtirokchisi nomi aniq bo‘ldi.

UYeFA rasmiy sayti

“Real” hamda “Volfsburg” juftligining Germaniyada bo‘lib o‘tgan birinchi o‘yinida nemis klubi 2:0 hisobida muvaffaqiyat qozongandi. “Santyago Bernabeu”da bo‘lib o‘tgan javob o‘yinida Krishtianu Ronaldu tomonidan qayd etilgan xet-trik “Real”ning yirik g‘alabasini ta’minladi.
Shu tariqa Krishtianu Ronaldu Chempionlar Ligasining joriy mavsumdagi gollari sonini 10 ta o‘yinda 16 taga yetkazib oldi hamda “Real”ni yarim finalga olib chiqdi.
Kunning ikkinchi o‘yinida “Manchester Siti” hamda “PSJ” klublari “Etihad” stadionida to‘qnash keldi. Tomonlarning Parijdagi o‘yinida 2:2 hisobi qayd etilgan bo‘lsa, bu safar Kevin de Bryuyne tomonidan urilgan gol “Manchester Siti”ga g‘alaba tortiq qildi.
Parijdagi bellashuvda Zlatan Ibrahimovich penaltidan aniq foydalana olmagandi. Bu safar “Manchester Siti” klubi hujumchisi Serxio Aguero 11 metrlik jarima zarbasini muvaffaqiyatsiz amalga oshirdi.
Qayd etish kerak, “Manchester Siti” o‘z tarixida birinchi bor Chempionlar Ligasining chorak finalida o‘ynadi hamda yarim final chiptasiga ega chiqdi.
Chempionlar Ligasining yana ikki yarim finalchisi nomi ertaga bo‘lib o‘tadigan “Benfika” — “Bavariya” hamda “Atletiko” — “Barselona” o‘yinlaridan keyin ma’lum bo‘ladi. Birinchi o‘yinda “Bavariya” 1:0 hisobida muvaffaqiyat qozongan bo‘lsa, “Barselona” raqibini 2:1 hisobida taslim qilgan.
Yevropa Chempionlar Ligasi
Chorak final bellashuvlari
12-aprel, seshanba
“Real Madrid” (Ispaniya) — “Volfsburg” (Germaniya) 3:0
Gollar: Krishtianu Ronaldu, 16 (1:0). Krishtianu Ronaldu, 17 (2:0). Krishtianu Ronaldu, 77 (3:0).
“Real Madrid”: Keylor Navas, Pepe, Serxio Ramos, Krishtianu Ronaldu, Toni Kroos, Karim Benzema (Xese, 84), Garet Beyl, Marselo, Kazemiro, Daniyel Karvaxal, Luka Modrich (Rafael Varan, 90+2).
“Volfsburg”: Diyego Benalyo, Viyeyrinya, Yulian Draksler (Maks Kruze, 32), Bruno Enrike (Daniyel Kalijuri, 73), Andre Shyurrle, Dante, Luis Gustavo, Joshua Gilyavogi (Bas Dost, 80), Naldo, Maksimilian Arnold, Rikardo Rodriges.
“Manchester Siti” (Angliya) — “PSJ” (Fransiya) 1:0
Gol: Kevin de Bryuyne, 76 (1:0).
Noaniq penalti: Serxio Aguero, 30 (M).
“Manchester Siti”: Jo Xart, Bakari Sanya, Fernando, Serxio Aguero (Kelechi Iheanacho, 90+3), Xesus Navas, Kevin de Bryuyne (Yaya Ture, 84), Elyakim Mangalya, David Silva (Fabian Delf, 88), Gayel Klishi, Fernandinyo, Nikolas Otamendi.
“PSJ”: Kevin Trapp, Tyago Silva, Markinyos, Tyago Motta (Lukas, 44), Edinson Kavani, Zlatan Ibrahimovich, Anxel Di Mariya, Maksvell, Serj Orye (Xavyer Pastore, 61), Gregori van der Vil, Adriyen Rabyo.
Batafsil | Подробно | Read more... Daryo