Singapur Gonkongni ortda qoldirib, Osiyoning eng yirik moliyaviy markazi deb topildi

Singapur Osiyoning eng yirik moliyaviy markazi deb topildi va bu borada birinchi marta Gonkongdan o‘zib ketdi. Shaharlar Z/Yen Group Ltd. moliyaviy konsalting kompaniyasi tomonidan yarim yilda bir marta tuziladigan Global Financial Centres Index (GFCI) reytingida dunyoda tegishli ravishda uchinchi va to‘rtinchi o‘rinlarni egalladi. Bu haqda “Interfaks” xabar bermoqda .

Foto: EPA

Jahon moliyaviy markazi maqomini London o‘zida saqlab qoldi. Oradagi farqni sezilarli ravishda qisqartirgan Nyu-York ikkinchi o‘rinni band etgan bo‘lsa, Tokio Gonkongdan ancha ortda qolgan holda beshinchi o‘rinda qayd etildi.
Reytingning oltinchi qatoridan Syurix o‘rin oldi, keyingi o‘rinlarni esa Vashington, San-Fransisko, Boston va Toronto egalladi. Dubay Yaqin Sharq moliyaviy markazlari orasida yetakchilikni saqlab qoldi, dunyo miqyosida esa 13-o‘ringa joylashdi.
Afrikada Kasablanka (dunyo reytingida 33-o‘rin), Lotin Amerikasida esa San-Paulu (43) va Rio-de-Janeyro (44) peshqadam bo‘lib turibdi.
Batafsil | Подробно | Read more... Daryo