QarDU professori Shokir Davlatov: Men topgan yechim xalqaro miqyosda tan olinmagunicha, bu haqda ma’lumot berishni istamayman

Qarshi davlat universiteti matematika kafedrasi professor-o‘qituvchisi Shokir Davlatov mingyillikning oltinchi masalasiga u topgan yechim xalqaro miqyosda tan olinmagunicha, bu haqda hech qanday ma’lumot bermaydi. Olim bu haqda UZ24 nashriga bergan intervyusida aytib o‘tdi .

Qarshi davlat universitetining yangi binosi. Foto: O‘zA

“Bu haqdagi xabar matbuotda ovoza bo‘lib ketishini xohlamagan edim. Hozirda ilmiy ishimni o‘rganish va aniqlashtirish ishlari olib borilmoqda. Kashfiyotni xalqaro ilmiy hamjamiyat tan olganidan so‘ng, mazkur yechim borasida to‘liq ma’lumot bera olaman”, — dedi Shokir Davlatov.
Eslatib o‘tamiz, Shokir Davlatov mingyillikning oltinchi masalasi yechimi preprintini “arXiv.org” saytida e’lon qilgan edi. Xabar berishlaricha, unda Navye-Stoks masalasining yagona ravon yechimi mavjudligi isbotlangan.
Ilmiy ish rus tilida yozilgan, annotatsiyasining ingliz tilidagi talqini bor.
Batafsil | Подробно | Read more... Daryo