O‘zbekiston futzal terma jamoasi Yaponiyada o‘rtoqlik turnirida ishtirok etadi

Futzal bo‘yicha O‘zbekiston terma jamoasi Jahon chempionatiga tayyorgarlik jarayonini 16-aprelda boshlaydi, deb xabar beradi O‘zbekiston futzal uyushmasi matbuot xizmati.

Foto: O‘zbekiston futzal uyushmasi matbuot xizmati

Xose Mariya Mendez bosh murabbiyligidagi terma jamoa 16–20-aprel kunlari Toshkentda yig‘in o‘tkazadi va shundan keyin xalqaro o‘rtoqlik turnirida ishtirok etish uchun Yaponiyaga uchib ketadi.
Mundial yo‘lidagi dastlabki yig‘inga 20 nafar futzalchi chaqirilgan, shulardan 14 nafari Yaponiyaga boradi. Yaponiyadagi o‘rtoqlik turniri 21–25-aprel kunlari bo‘lib o‘tadi.
Quyida Xose Mariya Mendez yig‘inga taklif etgan futzalchilar ro‘yxati keltiriladi.
Darvozabonlar:  Rustam Umarov, Klim Tyugayev, Akmal Xazratqulov.
O‘yinchilar:  Javlon Anorov, Konstantin Sviridov, Andrey Shlyoma, Jamoliddin Sharipov, Shuhrat Tojiboyev, Farhod Abdumavlonov, Artur Yunusov, Dilshod Rahmatov, Davron Choriyev, Ilhom Hamroyev, Eldor Hoshimov, Dilshod Irsaliyev, Davron Abdurahmonov, Feruz Faxriddinov, Alisher Ibragimov, Mashrab Odilov, Dilmurod Shavkatov.
Ma’lumot uchun, futzal bo‘yicha Jahon chempionati 2016-yilning 10-sentabridan 2-oktabrigacha Kolumbiyada o‘tkaziladi.
Batafsil | Подробно | Read more... Daryo