Putin Ramzan Qodirov muxolifatga nisbatan bildirgan fikrlarida o‘zini ham aybdor hisobladi

Rossiya prezidenti Vladimir Putin 14-aprel, payshanba kuni bo‘lib o‘tgan  an’anaviy to‘g‘ridan-to‘g‘ri muloqot chog‘ida Checheniston rahbari vazifasini bajaruvchi Ramzan Qodirov siyosiy muxolifatga nisbatan bildirgan keskin fikrlarda o‘zini ham aybdor hisobladi. Bu haqda “TASS” xabar bermoqda .

Foto: “RIA Novosti”

“Balki bunda mendan ham o‘tgani bordir” deya tan olgan davlat rahbari Ramzan Qodirov va boshqa mintaqalar rahbarlari siyosiy raqiblarga nisbatan munosabatini bildirayotganda mas’uliyatni his etishi lozim, deb sanamoqda.
“Checheniston va boshqa mintaqalar rahbarlari hududlarida yashovchi va umuman Rossiya oldidagi mas’uliyatlari darajasini anglab yetadi, degan umiddaman. Muxolifatga munosabatni keskin shaklda namoyon etish mamlakatda barqarorlikni ta’minlash uchun xizmat qilmaydi, aksincha, bunga zarar yetkazadi”, — deb ta’kidladi Putin.
Eslatib o‘tamiz, Ramzan Qodirov Grozniyda bo‘lib o‘tgan jurnalistlar bilan uchrashuvda muxolifatni “qo‘poruvchilik faoliyati uchun sud qilish lozim bo‘lgan xalq dushmanlari” deb atagandi .
Batafsil | Подробно | Read more... Daryo