Daniya HHK, tinch aholi nobud bo‘lishi xavfiga qaramay, IShID nuqtalarini bombardimon qiladi

Daniya hukumati qirollik harbiy-havo kuchlariga, bu tinch aholi vakillari halokatiga olib kelishi mumkin bo‘lsa ham, Iroq va Suriyada IShID terrorchilik guruhi nuqtalariga hujum qilishga ruxsat bermoqchi. Bu haqda mudofaa bo‘yicha parlament qo‘mitasining yopiq majlisida Daniya harbiy muassasasi rahbari Peter Kristensen ma’lum qildi, deb yozadi “TASS”.

Foto: AP

Kristensen ta’kidlashicha, HHK jangovar missiyalari “xalqaro huquq me’yorlariga muvofiq ravishda” amalga oshiriladi, biroq alohida hollarda operatsiya ahamiyati aholi orasida qurbonlar bo‘lishi xavfidan yuqori bo‘lib chiqishi mumkin.
Muassasa rahbari bunda xalqaro gumanitar huquqda mavjud bo‘lgan proporsionallik tamoyilini ro‘kach qildi, unga muvofiq, fuqarolar orasida tasodifiy talafotlarga yo‘l qo‘yilishi mumkin, biroq u zarba berayotgan tomon qo‘lga kiritadigan harbiy ustunlikka nisbatan haddan ziyod bo‘lmasligi kerak.
Shu bilan birga, Kristensen Skandinaviya qirolligi harbiylari tinch aholi vakillari orasida qurbonlar bo‘lishiga yo‘l qo‘ymaslik uchun qo‘lidan kelganicha harakat qilishini ta’kidladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo