Toshkentdagi Inha universitetiga Elektr aloqa standartizatsiyasi byurosi direktori tashrif buyurdi

Xalqaro elektr aloqa uyushmasining (ITU) Elektr aloqa standartizatsiyasi sbyurosi direktori Chxe Sub Li 2016-yilning 13-aprel kuni Toshkent shahridagi Inha universitetiga tashrif buyurdi. Bu haqda universitetning matbuot xizmati xabar berdi .

Foto: Toshkent shahridagi Inha universiteti matbuot xizmati

Chxe Sub Li Toshkent shahriga ITU’ning mintaqaviy forumi — “Standartlashda uzilishni bartaraf etish” va 2016-yilning Jahon elektr aloqasini standartlash assambleyasiga tayyorgalik ko‘rish mintaqaviy yig‘ilishida ishtirok etish uchun Toshkentga keldi.
Inha universitetiga tashrifi davomida Chxe Sub Li o‘quv yurtida IT mutaxassislarini tayyorlash ishi hamda talabalar va professorlar uchun yaratilgan sharoitlar bilan tanishdi.
O‘z o‘rnida, Chxe Sub Li Xalqaro elektr aloqa uyushmasi faoliyati haqida, jumladan, AKT sohasi uchun xalqaro standartlarni ishlab chiqish haqida so‘zlab berdi. Shu bilan birga, u Xalqaro elektr aloqa uyushmasining AKT tarmog‘i va o‘quv yurtlari bilan hamkorligiga ham to‘xtalib o‘tdi.
Chxe Sub Li Inha universitetini ITU’ning a’zosi maqomini olishga va tadqiqot loyihalarida ishtirok etishga chaqirdi.
Xalqaro elektr aloqa uyushmasi 1865-yilda tashkil etilgan bo‘lib, u BMTning axborot-kommunikatsiya texnologiyalari sohasidagi yetakchi tashkiloti hisoblanadi. O‘zbekiston Respublikasi 1992-yilning 10-iyul kuni ITU’ga a’zo bo‘ldi.
Batafsil | Подробно | Read more... Daryo