Tokio: Yaponiyada yadro quroli uchun huquq bor, ammo unga egalik qilmaydi

Yaponiya hukumati fikricha, mamlakat konstitutsiyasi yadro quroliga ega bo‘lish va undan foydalanishni hech qanday darajada taqiqlamaydi. Bu haqda vazirlar mahkamasining Yaponiya parlamenti deputatlaridan birining so‘roviga berilgan yozma javobida aytiladi, deb yozadi “TASS”.

Foto: Shutterstock

Unda ta’kidlanishicha, konstitutsiyaning rasmiy izohi mudofaa uchun minimal darajada zarur bo‘lgan potensialga ega bo‘lishga ruxsat beradi. “Agar yadro quroli ushbu mezonga muvofiq kelsa, unga egalik qilish konstitutsiya tomonidan taqiqlanmaydi, — deyiladi hujjatda. — Bu shunday qurol-yarog‘lardan foydalanishga ham tegishli”.
Shu bilan bir vaqtda, hukumat javobida Yaponiyada amal qiladigan uchta yadrosizlik tamoyili, mamlakatning Yadro qurolini tarqatmaslik shartnomasiga a’zoligi tilga olinadi. “Ushbu omillar kuchda bo‘lar ekan, bizning mamlakatimiz, bizning fikrimizcha, yadro quroliga egalik qila olmaydi”, — deyiladi hujjatda.
Batafsil | Подробно | Read more... Daryo