Sanders Time jurnali mushtariylari tuzgan reytingda g‘olib bo‘ldi

AQSh prezidentligiga nomzodini Demokratik partiyadan ilgari surayotgan Vermont shtatidan senator Byorni Sanders Time jurnali mushtariylari fikriga ko‘ra, dunyoning 100 nafar eng ta’siri kuchli kishilari reytingida yetakchilik qildi, deb yozadi “Gazeta.ru”.

Foto: Huffington Post

Sanders ovozlarning 3,3 foizini to‘plab, birinchi o‘rinni egalladi. Uning saylovoldi poygasidagi asosiy raqibi, AQSh sobiq davlat kotibi Hillari Klinton 1 foiz ovoz yig‘di.
Ro‘yxatda ikkinchi o‘rinni Janubiy Koreyaning Big Bang guruhi (2,9%), uchinchi o‘rinni Birma va Myanma siyosiy arbobi, tinchlik bo‘yicha Nobel mukofoti sohibi Aun San Su Chji (2,2%) egalladi.
Yuqori beshtalikka, shuningdek, AQSh prezidenti Barak Obama (2%) hamda pokistonlik huquq muhofazachisi va tinchlik bo‘yicha Nobel sovrindori Malala Yusufzay (1,9%) kirdi.
Batafsil | Подробно | Read more... Daryo