OAV: Afg‘oniston Harbiy-havo kuchlari mamlakat sharqida IShIDning 40 dan ortiq jangarisini yo‘q qildi

Afg‘oniston Harbiy-havo kuchlari mamlakat sharqidagi Nangarxar viloyatida amalga oshirilgan aviazarbalar natijasida IShID terrorchi guruhining kamida 40 nafar jangarisini yo‘q qildi. Bu haqda, Afg‘oniston Mudofaa vazirligi vakili — general Davlat Vaziriy ma’lumotiga tayanib, “TASS” xabar berdi .

Foto: “NTV”

Ma’lum qilinishicha, aviazarba ekstremistlar ommaviy to‘planganligi haqida ma’lumot qo‘lga kiritilgandan keyin viloyat tumanlaridan birida amalga oshirilgan.
Afg‘oniston maxsus xizmatlarining ma’lumotlariga qaraganda, oxirgi bir necha oylar davomida IShID mamlakat hududidagi faolligini oshirmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo