Kreml Putinning Süddeutsche Zeitung gazetasining amerikaliklarga aloqadorligi haqidagi bayonoti uchun uzr so‘radi

Rossiya prezidenti matbuot kotibi Dmitriy Peskov o‘z rahbari Vladimir Putinning Süddeutsche Zeitung gazetasi amerikaliklarga aloqadorligi haqidagi bayonoti uchun uzr so‘radi. Bu haqda Meduza xabar berdi .

Foto: “Kuban24”

Uning so‘zlariga qaraganda, davlat rahbari uchun tayyorlangan materiallarda xatolik bo‘lgan.
“Ularda haqiqatan tekshirilmagan ma’lumot bo‘lgan, yana bir qayta tekshirmasdan, prezidentga taqdim etilgan, Süddeutsche Zeitung gazetasining egasi haqidagi qismida. Biz nashrdan uzr so‘raymiz”, — dedi Dmitriy Peskov.
Avvalroq Vladimir Putin ofshorlar haqidagi hujjatlarning e’lon qilinishiga AQSh rasmiy muassasalari xodimlari aloqador ekanligi, noma’lum manba “Panama arxivi” materiallarini yetkazgan Germaniyaning Süddeutsche Zeitung nashri amerikaliklar boshqaradigan mediaxolding tarkibiga kirishini ta’kidlaganligi haqida ma’lum qilingan edi. Bunga Putin “Hamma joydan buyurtmachining qulog‘i ko‘rinib turibdi”, deb  izoh bergan edi.
Süddeutsche Zeitung gazetasi Rossiya prezidenti Vladimir Putinning bayonotini rad etdi. Gazeta ijrochi direktori Stefan Xilsherning ta’kidlashicha, nashr amerikaliklarga to‘g‘ridan-to‘g‘ri ham, vositachilar orqali ham tegishli emas. Gazetani Süddeutscher Verlag guruhi chop etadi, u esa o‘z navbatida Südwestdeutschen Medienholding (81,25 foiz) xoldingiga va gazeta asoschilari oilasiga (18,75 foiz) qarashli.
Batafsil | Подробно | Read more... Daryo